కామారెడ్డిలో బీజేపీ శాసనసభ పక్షం కీలక భేటీ.. 7 నుంచి MLA ల పర్యటన

బీజేపీ శాసనసభ పక్ష సమావేశనికి కామారెడ్డి వేదిక అయ్యింది. రానున్న తెలంగాణ బడ్జెట్ సమావేశాల్లో అనుసరించాల్సిన వ్యూహాలపై చర్చించేందుకు బిజెపి శాసనసభా పక్ష సమావేశం కామారెడ్డి ఎమ్మెల్యే, బిజెపి శాసనసభాపక్ష ఉపనేత కాటిపల్లి వెంకటరమణారెడ్డి నివాసంలో నిర్వహించారు.ఈ కీలక భేటీలో.. ఎమ్మెల్సీ సీ.అంజిరెడ్డి,బిజెపి శాసనసభాపక్ష నేత, నిర్మల్ ఎమ్మెల్యే ఏలేటి మహేశ్వర్ రెడ్డి , శాసనసభాపక్ష ఉపనేత, అదిలాబాద్ ఎమ్మెల్యే పాయల్ శంకర్, సిర్పూర్ ఎమ్మెల్యే పాల్వాయి హరీష్ బాబు , ముధోల్ ఎమ్మెల్యే రామారావు పవార్ , నిజామాబాద్ అర్బన్ ఎమ్మెల్యే ధన్ పాల్ సూర్యనారాయణ గుప్తా తదితరులు పాల్గొన్నారు. తెలంగాణలో వ్యవసాయ రంగం సంక్షోభంలో పడదానికి రేవంత్ రెడ్డి ప్రభుత్వం కారణమని బీజేపీ శాసనసభ పక్ష సమావేశం ఆరోపించింది.రైతులు ఎదుర్కొంటున్న సమస్యలపై బీజేపీ పక్షం అసెంబ్లీలో గొంతు విప్పుతుందని సమావేశం ప్రకటించింది. దీని కోసం మార్చి 7 తేదీన బీజేఎల్పీ ఆధ్వర్యంలో ఆదిలాబాద్ నుంచి పర్యటన ప్రారంభిస్తామని బీజేపీ పక్ష నేత యేలేటి మహేశ్వర రెడ్డి ప్రకటించారు.అన్ని జిల్లాల్లో పర్యటించిన తరువాత అసెంబ్లీ సమావేశాలలో అవలంభించ వలసిన వ్యూహాన్ని ఎంచుకుంటామని చెప్పారు. రీటైడ్ ఉద్యోగుల బకాయిలు చెల్లించ లేని సర్కార్ నిర్వాకం వల్ల ఆత్మహత్యలు జరిగాయని బీజేపీ శాసన సభ పక్ష సమావేశం ఆందోళన వ్యక్తం చేసింది..