నిజామాబాద్ వాసులే డీఎస్ వారసులు పీస్ ర్యాలీలో ధర్మపురి సంజయ్

( ప్రీతం రెడ్డి) నిజామాబాద్; కులాలు, మతాలు అంటూ రెచ్చగొడుతూ కొందరు రాజకీయ లబ్ధి కోసం వారి ప్రయోజనాల కోసం ప్రయత్నం చేస్తున్నారని అందుకే ఈ ర్యాలీ నిర్వహించడం జరిగిందని మాజీ మేయర్ ధర్మపురి సంజయ్ పేర్కొన్నారు. శనివారం నిజామాబాద్ నగరంలో నిర్వహించిన పీస్ ర్యాలీలో ఆయన మాట్లాడుతూ నిజామాబాద్ లో ఉండే ప్రజలు అందరూ తన తండ్రి డి శ్రీనివాస్ వారసులేనని, వారు తమకు జన్మనిచ్చినా... ప్రతి ఒక్కరి హృదయాల్లో వారు చిరస్థాయిలో ఉండిపోతారన్నారు. నిజామాబాద్ అంటేనే మినీ భారతదేశం అని అలాంటి ఈ జిల్లాలో కొందరు రాజకీయ పార్టీ నాయకులు మతవిద్వేషాలను రెచ్చగొడుతూ కులాలు మతాల మధ్య చిచ్చు రేపుతున్నారని ఇది మంచి పద్ధతి కాదని ఆయన అన్నారు. తన తండ్రి హయాంలో అన్ని కులాలు, మతాలను దగ్గరికి తీసుకొని ఎవరికి ఏ కష్టం వచ్చినా పరిష్కరించే దిశగా కృషి చేసేవారని ఆయన అన్నారు. కానీ ఈ మధ్యకాలంలో కొందరు రాజకీయాలకు ప్రయోజనాల కోసం హిందూ ముస్లింలు సోదరులుగా పిలుచుకునే అప్పటి సంస్కృతిని ఇప్పుడు ఉన్న ఓ రాజకీయ పార్టీ నాయకులు రెచ్చగొడుతూ అల్లర్లకు ప్రోత్సహిస్తున్నారని ఇకనైనా వారి పద్ధతి మానుకోవాలన్నారు. నిజామాబాద్ అంటేనే రాష్ట్రంలోనే కాదు దేశంలోనే మినీ భారతదేశం గా తెలుసుకోబడే విధంగా . అందుకే నేను ఈ అన్ని కులాలు మతాలు కుల సంఘాలతో కలిసి ఫీస్ ర్యాలీని శాంతియుతంగా నిర్వహించడం జరిగిందన్నారు.