దేశంలో తొలి సారి మావోయిస్టు మాజీ నేతలతో సీఎం చర్చలు

మావోయిస్టు మాజీ అగ్రనేతలతో సీఎం రేవంత్ రెడ్డి జరిపిన రాజకీయ చర్చలు సక్సెస్ అయినట్లు సమాచారం. రాష్ట్ర సచివాలయంలో శుక్రవారం ప్రభుత్వం మావోయిస్టు పార్టీలో టాప్ లీడర్లుగా పనిచేసి లొంగిపోయిన అగ్ర నాయకులతో భేటీ కావడం రాష్ట్ర రాజకీయాలను షేక్ చేసింది. సరికొత్త చర్చకు దారి తీసింది. దేశంలో మొదటిసారి మావోయిస్టు మాజీలతో అధికారిక భేటీగా సరికొత్త రికార్డు సృష్టించినది. ముఖ్యమంత్రి ప్రత్యేక చొరవతో హోంశాఖ ఈ సమావేశాన్ని ఏర్పాటు చేసింది. ఈ భేటీలో మొవోయిస్టు పార్టీ టాప్ లీడర్ దేవీజీ,రాజారెడ్డి,చంద్రన్న,దామోదర్, నర్సింహారెడ్డి,సుజాతక్క సీఎం తో మాట్లాడారు. జైలల్లో ఉన్న మావోయిస్టు ఖైదీలను కలిసే అవకాశం ఇవ్వాలని ఈ సందర్భంగా సీఎం ను కోరినట్లు సమాచారం. వారితో కలిసి లొంగుబాట్ల మీద ప్రజలకు బహిరంగ లేఖ విడుదల చేస్తామని మాజీ అగ్ర నేతలు ప్రతిపాదించారు. సరెండర్ పాలసీ అమలులో ఉన్న సమస్యలను సీఎం దృష్టికి తీసుకు వెళ్లారు.సరెండర్ పాలసీ మీద అసెంబ్లీ లో ప్రకటన చేసి చర్చకు పెడతామని సీఎం హామీ ఇచ్చారు. ఈ కీలకమైన ప్రత్యేక సమావేశంలో ప్రభుత్వ సలహాదారులు కేశవరావు, వేం నరేందర్ రెడ్డి, ప్రభుత్వ ప్రధాన కార్యదర్శి రామకృష్ణారావు, డీజీపీ శివధర్ రెడ్డి,ఎస్ ఐ బి ఐజీ సుమతి పాల్గొన్నారు.