ఏప్రిల్ 25న కొత్త రాజకీయ పార్టీ ప్రకటన: కల్వకుంట్ల కవిత సంచలన ప్రకటన
ఏప్రిల్ 25న రాజకీయ పార్టీ ప్రకటిస్తామని తెలంగాణ జాగృతి అధినేత్రి కల్వకుంట్ల కవిత ప్రకటించారు. శుక్రవారం నిజామాబాద్లో జరిగిన విలేకరుల సమావేశంలో అనేక విషయాలను వెల్లడించారు..
కవిత మాటల్లోనే..
*రాజకీయ పార్టీగా మారబోతోంది తెలంగాణ జాగృతి.
*ఏప్రిల్ 25న మునీరాబాద్ వేదికగా పార్టీ జెండా, అజెండాను ప్రకటిస్తాం.
*తెలంగాణ భవిష్యత్ మార్చే దారి దీపం కాబోతున్నాం.
*సర్వోదయ తెలంగాణ కావాలన్నదే మా లక్ష్యం. ఆ లక్ష్యం కోసం పనిచేస్తాం.
*మేము పెట్టబోయే పార్టీ తెలంగాణ ఇంటి పార్టీ. మా ఫోకస్ మొత్తం తెలంగాణ కోసమే.
*మేము ఎవరికీ బీ టీమ్ కాదు. తెలంగాణలో మాదే నంబర్ వన్ పార్టీ అవుతుంది.
*మహిళలు, యువత, బీసీలు, ఎస్సీ, ఎస్టీలు, మైనార్టీలు మేధావులంతా పార్టీ ఆవిర్భావ సభకు రావాలని విజ్ఞప్తి చేస్తున్.
*ప్రజాభిప్రాయం తీసుకొని పాలనలో వైఫల్యాలను రాముల వారు సరిచేసుకున్నార.
*రాముల వారు స్ఫూర్తితో మా పార్టీని నడిపిస్తాం.
*రాజకీయ పార్టీకి ఈగో ఉండకూడదు. నన్ను విమర్శించిన వాళ్లైనా సరే తెలంగాణ సోయి ఉంటే మాతో కలిసి రండి.
*మా అజెండా మొత్తం కూడా ప్రాక్టికల్ గా, ప్రజల ఆమోదం పొందేలా ఉంటుంది.
*ఏదైనా పని పట్టుకుంటే ఫలితం వచ్చే వరకు కూడా వదిలిపెట్టన.
*ఢిల్లీలో లాబీయింగ్ చేయగలను. గల్లీలో కష్టపడగలన.
*ఇవ్వాళ శ్రీరాముడి జయంతి, అదే విధంగా ఆయన పెళ్లి రోజు
*దేవుడి కళ్యాణం అంటే లోక కల్యాణం అన్నట్లే.
*ప్రజలను హత్తుకొని పరిపాలన చేసిన వ్యక్తి శ్రీరామ చంద్రుల వారు.
*ఆయన స్ఫూర్తితో మేము కూడా ముందుకు సాగాలని అనుకుంటున్నాం.
*నేను తెలంగాణ బిడ్డను, నిజామాబాద్ కోడలిని.
*ఈ ప్రాంతానికి ఎంతో ఘన చరిత్ర ఉంది.
*గౌతమ బుద్దుడి సమయంలో 16 జనపదాలుంటే...బోధన్ నుంచి అస్మక జనపదం ఉండేది. బౌద్ద, జైన, సూఫీ మతాల్లో మంచిని ఇక్కడి ప్రజలు పాటించారు.
*నిజామాబాద్ మట్టిలోంచి పుట్టిన ఏ ఆలోచన అయిన కూడా సక్సెస్ అయ్యింది.
*ఇక్కడి మోతె మట్టి మహిమతో తెలంగాణ రాష్ట్రాన్ని సాధించుకున్నాం.
*కానీ తెలంగాణ వచ్చిన 12 ఏళ్ల తర్వాత కూడా మనం నీళ్లు, నిధులు, నియామకాలు విషయంలో సంపూర్ణ విజయం సాధించలేదు.
*బీఆర్ఎస్ పదేళ్ల పాలన అలా ఉంటే ఇప్పుడు కాంగ్రెస్ పాలన కూడా మనం చూస్తున్నాం.
*ఇవ్వాళ పేపర్లో రెండు వార్తలను చూశా. ఒకటి బస్సు ప్రమాదం, మరొకటి భువనగిరిలో చిన్న పిల్లాడి కనుగుడ్డు కుక్క పీక్కోని పోవటం.
*బస్సు ప్రమాదంలో 14 మంది చనిపోయారు. చేవెళ్ల బస్సు ప్రమాదం తర్వాత స్లీపర్ కోచ్ లను రద్దు చేయాలని మనం డిమాండ్ చేశాం.
*అయినా పట్టించుకోలేదు. అంటే మనం ఎలాంటి పరిస్థితుల్లో ఉన్నామో అర్థం చేసుకోవచ్చు.
*ఎవరి కోసం, ఎందుకోసం ఒక కొత్త రాజకీయ పార్టీ రావాలి?
అంటే ప్రతి రోజు బాధపడుతున్న ప్రజల తరఫున పోరాడేందుకు కొత్త రాజకీయ పార్టీ అవసరం ఉంది.
*ఇప్పటికీ కూడా మక్క కొనుగోలు కేంద్రాలను పెట్టమని అడగాల్సిన పరిస్థితి ఉంది.
*నిజామాబాద్, వరంగల్ సహా చాలా చోట్ల మక్క రైతులకు మద్దతు ధర కూడా రావటం లేదు.
*రైతులు, మహిళలు, పిల్లలు, భద్రత ఇలా చాలా అంశాలను పట్టించుకోవాల్సి ఉంది.
*కానీ ముఖ్యమంత్రులు అయ్యే వరకు అన్నట్లుగానే అన్ని రాజకీయ పార్టీల ఒరవడి ఉంది.
*అందుకే తెలంగాణలో కొత్త రాజకీయ పార్టీ అవశ్యకత ఉందని మేము గట్టిగా నమ్ముతున్నాం.
*కులాలు, మతాలు, వర్గాలు కాకుండా ప్రజల కోసం పనిచేసే పార్టీ కావాలి.
*గత 20 ఏళ్లుగా నేను మీ కళ్లముందే ప్రజల కోసం పనిచేస్తున్నది మీరు చూస్తున్నారు.
*బీఆర్ఎస్ అధికారంలోకి వచ్చిన తర్వాత రాష్ట్ర వ్యాప్తంగా ఆత్మహత్యలు చేసుకున్న రైతు కుటుంబాలకు పెన్షన్ ఇచ్చారు.
అందులో 350 మంది రైతుల పేర్లు లేకపోతే ఆ కుటుంబాలకు జాగృతి తరఫున నెలకు 2500 పెన్షన్ ఇచ్చాం.
*2014 నుంచి 2018 వరకు కూడా మేము పెన్షన్ ఇచ్చాం.
*రాష్ట్రం రాకముందు, వచ్చిన తర్వాత కూడా మేము పనిచేస్తూనే ఉన్నాం.
*కొత్త తరహాలో ఆలోచించే శక్తివంతమైన వ్యక్తులు అవసరం ఉంది. అందుకే మేము రాజకీయ పార్టీ పెడుతున్నాం.
*మేడ్చల్ లోని మునీరాబాద్ వేదికగా ఏప్రిల్ 25 వ తారీఖు ఉదయం మా పార్టీని ప్రకటించబోతున్నాం.
*నేను ముహుర్తాలను నమ్ముతాను. కాలానుగుణంగా పనిచేస్తే ప్రజలకు మంచి జరుగుతుందని నమ్ముతున్నా.
*మార్పు రావాలని భావించే వారందరినీ కూడా పార్టీ ఆవిర్భావ సభకు ఆహ్వానిస్తున్నా.
*ప్రొఫెసర్ జయశంకర్ సార్ అంటే నాకు చాలా అభిమానం. ఆయన తో పాటు ప్రముఖుల పేర్లను కూడా పార్టీ ఆవిర్బావ వేడుక సభలో వేదికలకు పెట్టుకుంటాం.
*యువ మిత్రులు ఇప్పటికీ జాబ్ కోసం వేచి చూస్తున్నారు.
*వాళ్లంతా కూడా మా పార్టీ లో రావాలని, పార్టీ ఆవిర్భావ సభకు రావాలని కోరుతున్నా.
*ప్రతి ఊరు నుంచి మా ఆడబిడ్డలంతా సభకు రావాలి.
నిజమైన మార్పు ఎలా ఉంటుందో మేము చేసి చూపిస్తాం.
*బీసీ బిల్లు సాధించుకోవాలనున్న కూడా నీతి,నిజాయితీ ఉన్న జాగృతి తోనే సాధ్యమవుతుంది.
*ఎస్సీ లకు ఎప్పుడు అన్యాయం జరిగిన మేము అండగా నిలబడ్డాం.
*ఆత్మగౌరవంతో కూడిన అభివృద్ది కావాలంటూ...అసెంబ్లీలో అంబేడ్కర్ విగ్రహాం కోసం పోరాటం చేశాం.
*హతీరాం మఠాన్ని కాపాడుకున్నాం. బంజారా కోసం ఎన్నో పనులు చేశాం.
*ఆదివాసీ కోసం పనిచేశాం. నాంచారమ్మను గుర్తుచేసుకున్నాం.
*సమ్మక్క, సారలమ్మ లను మనం ఎంతో గౌరవించుకున్నాం.
*తెలంగాణ రాగానే మైనార్టీలకు ఏదో జరిగిపోతుందని వారికి మాయ మాటలు చెప్పారు.
కానీ జాగృతి మాత్రం మైనార్టీల గొంతుగా ఉంటుందని చెబుతున్నా.
*మైనార్టీ క్రిస్టియన్ సోదరుల కోసం కూడా జాగృతి పనిచేస్తుంది.
*సిక్కుల కోసం జాగృతి ప్రత్యేకంగా ఒక వింగ్ నే ఏర్పాటు చేసింది.
*శ్రామికులంటే నాకు ఎంతో ఇష్టం. సింగరేణి కార్మికుల కోసం ఎన్నో పనులు చేశాం.
*ఆశావర్కర్లు, అంగన్ వాడీలు, అవుట్ సోర్సింగ్, ఆర్ఎంపీ లు, పీఎంపీలు, కాంట్రాక్ట్ ఎంప్లాయిస్ కోసం కూడా పనిచేశాం.
వికలాంగులకు 5 శాతం రిజర్వేషన్ల కోసం పార్లమెంట్ లో కొట్లాడం.
*రైతన్న కోసం కూడా జాగృతి పనిచేస్తుంది.
*తెలంగాణ కోసం పనిచేసే వాళ్లు, పనిచేసిన వాళ్లు అందరూ కూడా మా సభకు రావాలి.
*బీసీలు, ఎస్సీలు, ఎస్టీలు, మహిళలు, కార్మికులు, రైతులు, యువత అందరూ కూడా సభకు వచ్చి ఆశీర్వాదం ఇవ్వాలని కోరుతున్నా.
*జాగృతి అజెండా కోసం ఇప్పటికే 50 కమిటీలు వేశాం.
ఇంకా చాలా మంది మేధావులతో చర్చలు జరుపుతున్నాం.
*జాగృతి రాజకీయ పార్టీగా ఇంకా ఏయే అంశాల్లో పనిచేయాలో సూచించాలని తెలంగాణ ప్రజలను కోరుతున్నా.
*సామాజిక తెలంగాణ, అభ్యుదయ తెలంగాణ కోసం అందరినీ కలుస్తాం.
*శ్రీరామనవమితో మొదలైన పార్టీ ప్రకటనను వారణాసి వెళ్లి గంగా స్నానం చేసిన తర్వాత పార్టీ ఆవిర్భావం చేస్తాం.
కాశీలో శివుని అభిషేకం చేసిన తర్వాత పార్టీ సభ నిర్వహిస్తాం.
*నిజాబామాద్ బిడ్డల నన్ను ఆశీర్వదించి పార్లమెంట్ కు పంపి నాకు రాజకీయ జీవితం ఇచ్చారు.
వారి కారణంగానే ఎన్నో పనులు, ఎంతో మంది పరిచయం అయ్యారు. *పాలిటిక్స్ అనేవి మన జీవితాలు మార్చేస్తాయి. అందుకే ప్రతి ఒక్కరూ రాజకీయాల్లో భాగం కావాలి.
*రాజకీయాలు ఏమీ రాకెట్ సైన్స్ కాదు. అందరూ రాజకీయాల్లో చేరి మార్పు కోసం ప్రయత్నించండి.
*తెలంగాణ భవిష్యత్ ను మేము కచ్చితంగా తీర్చిదిద్దుతాం.
*రాష్ట్రం వచ్చాక 12 ఏళ్ల తర్వాత కూడా మౌలిక వసతుల కోసం అడుక్కోవాల్సన అవసరముందా?
*తెలంగాణ వచ్చాక ఎస్సీ, ఎస్టీల నిధులు పక్కదారి పట్టకుండా చట్టం చేసుకున్నాం.
అయిన సరే నిధులు పక్క దారి పడుతున్నాయి. మైనార్టీలకు ఇవ్వాల్సినంత బడ్జెట్ ఇవ్వటం లేదు.
*రాజకీయ నాయకుల్లో ప్రజలు అడగరు అనే ఒరవడి ఉంది.
అందుకే మనం ప్రశ్నిస్తూ ఫలితం వచ్చే వరకు పోరాటం చేయాలి.
*నేను ఏదైనా ఇష్యూ పట్టుకుంటే ఫలితం వచ్చే వరకు వదలను.
*ఇక్కడున్న ఎంపీ అరవింద్ మతిమరుపు నాయకుడిలా ఉన్నారు. నేను ఎంపీగా ఉన్నప్పుడు రైల్వే బ్రిడ్జి అంటూ విమర్శలు చేశారు. కానీ అధికారంలోకి వచ్చిన ఏడేళ్లైనా దాన్ని పట్టించుకోవటం లేదు.
*ప్రతిపక్షం లో ఉంటే క్రిటిసిజం, అధికారంలో ఉంటే ఎస్కేపిజం.
*బీఆర్ఎస్ పార్టీ నన్ను సస్పెండ్ చేసింది. అయిన సరే ప్రజల్లో ఉండి వారి కోసం పనిచేయాలని నేను నిర్ణయం తీసుకున్నా.
*కొత్త పార్టీ వచ్చిందంటే ఎవరికో బీ పార్టీ అంటూ విమర్శలు చేస్తారు.
కానీ మేము ఎవరికీ బీ పార్టీ కాదు. తెలంగాణలో మాదే నంబర్ వన్ పార్టీ అవుతుంది. *అనుభవజ్ఞులు, యువత మేళావింపుతో మా పార్టీ ఉంటుంది.
*శ్రీరాముడు తన పాలన గురించి ఫీడ్ బ్యాక్ తీసుకొని తప్పుంటే మార్చుకున్నాడు.
*ప్రజల కోసం కుటుంబాన్నే పక్కన పెట్టారు. అందుకే ఆయనను ఇప్పటికీ తలుచుకుంటాం.
*పార్టీ పెట్టిన తర్వాత నేను ఎక్కడి నుంచి పోటీ చేయాలనే దానిపై నిర్ణయం తీసుకుంటా.
*నేను ఎంపీ అయినప్పుడు నిజామాబాద్- పెద్దపల్లి రైల్వే లైన్ పూర్తి చేస్తానని అంటే నవ్వారు.
25 ఏళ్లుగా జరగనిది ఇప్పుడు అవుతుందా అన్నారు. *కానీ మూడేళ్లలో నేను ఆ పని చేసి చూపించా. నేను ఢిల్లీలో లాబీయింగ్ చేస్తా. అవసరమైతే గల్లీ లో కష్టపడతా.
*జాగృతియే తెలంగాణ ప్రాంతీయ, ఇంటి పార్టీ అవుతుంది. మా ఫోకస్ అంతా తెలంగాణపైనే.
*తెలంగాణ తొలి దశ, మలిదశ ఉద్యమకారుల అనుభవాన్ని రాష్ట్రాభివృద్ధి కోసం ఉపయోగించుకుంటాం.
*వారికి కాంగ్రెస్ ప్రభుత్వం ఇచ్చిన హామీల కోసం పోరాడుతాం. మేము అధికారంలోకి వచ్చాక వారి అభివృద్ధికి కృషి చేస్తాం.
*రాజకీయ పార్టీ కి ఇగో ఉండకూడదు. తెలంగాణ కోసం పనిచేసే వాళ్లను గతంలో నన్ను విమర్శించిన వాళ్లైనా సరే పార్టీలోకి ఆహ్వానిస్తున్నాను.
*బీఆర్ఎస్ క్యాడర్ కూడా చాలా వరకు మాతోనే ఉంది.
*మా అజెండా మొత్తం కూడా ప్రాక్టికల్ గా, ప్రజల ఆమోదం పొందే విధంగా ఉంటుంది.
Follow Our WhatsApp Channel
